Реал Мадрид направил важен чекор кон трансфер вреден 100 милиони евра, но ПСЖ сè уште не се откажува. Според Фабрицио Романо, „кралскиот клуб“ постигнал договор со Јан Диоманде за личните услови, но последниот збор и понатаму го има Лајпциг.
Реал сериозно тргна по потписот на Диоманде, еден од најбараните млади фудбалери на пазарот. Како што објави Романо, мадридскиот гигант веќе добил зелено светло од играчот за преселба на „Сантијаго Бернабеу“.
Сепак, трансферот сè уште не е завршен бидејќи во трката останува и Пари Сен Жермен. Францускиот шампион, според истите информации, уште во јуни ги договорил личните услови со фудбалерот, а во последните денови повторно стапил во контакт со неговите претставници за да се обиде да ја сврти ситуацијата во своја корист.
Сега фокусот е ставен на преговорите со Лајпциг, кој засега не отстапува од своите барања. Романо открива дека Реал веќе испратил понуда од 90 милиони евра, плус уште 10 милиони во бонуси, но германскиот клуб ја одбил.
Во Мадрид, сепак, немаат намера да се откажат и подготвуваат нова понуда со која ќе се обидат да најдат решение што ќе го задоволи Лајпциг. Тоа значи дека Реал ќе мора да понуди повеќе од 100 милиони евра или да пронајде начин целата сума да ја исплати веднаш.
Диоманде е означен како едно од клучните засилувања за иднината на Реал, но и како фудбалер кој веднаш би можел да се бори за важна улога во првиот тим. Неговиот потенцијален трансфер е дел од пошироката стратегија на клубот за подмладување и градење на тимот за следните години.
Иако според информациите на Фабрицио Романо играчот е отворен и за Реал Мадрид и за ПСЖ, конечниот епилог најмногу ќе зависи од договорот меѓу клубовите и Лајпциг, кој засега цврсто ја држи својата позиција.
🚨⚪️ Real Madrid have verbally agreed on personal terms with Yan Diomande. 💣
— Fabrizio Romano (@FabrizioRomano) July 25, 2026
Same as Paris Saint-Germain in June, Real also have player’s green light on terms.
Real set to return with new bid to Leipzig after €90m plus €10m rejected.
PSG, in contact again today to try until… pic.twitter.com/48MnE5Jqf5