Винисиус Жуниор иако важеше за главен фаворит како што е познато не ја освои „Златната топка“ и најпрестижната индивидуална награда заврши во рацете на Родри.
Од тој момент на големо започнаа дебатите во европската јавност за тоа дали изборот е правилен и кој повеќе заслужил да стигне до ова признание.
Дел од коментарите кои се на страната на Родри гласат дека Винисиус не ја освоил наградата поради своето неспортско однесување на терените кое е прилично често.
На социјалните мрежи се појави и видео кое ги споредува Модриќ и Винисиус. Креаторот на видеото сакал да покаже зошто Хрватот успеа да ја освои „Златната топка“, а Винисиус засега не.
„Почитта треба да се заслужи“, стои во описот на видеото.
