Реал Мадрид ја победи Барселона со 2-1 на „Камп Ноу“ во десеттото коло од шпанското првенство, а еден од најзаслужните за победата беше украинскиот голман Андриј Лунин. Тој застана на голот на местото на повредениот Тибо Куртоа и со неколку одлични интервенции ги спречи домашните фудбалери да постигнат повеќе голови. По натпреварот, тренерот Жозе Мурињо имаше само пофални зборови за украинскиот чувар на мрежата.
Лунин имаше особено важна интервенција во 66. минута, кога по корнер со спектакуларна одбрана го запре ударот со глава на Жерард Мартин од непосредна близина. Украинецот реагираше навреме и спречи Барселона да постигне гол, а на својот прв настап за Реал оваа сезона забележа дури пет одбрани. Неговата одлична партија се покажа како исклучително важна за „кралевите“, кои успеаја да ја зачуваат предноста и да ги освојат трите бода на гостувањето кај најголемиот ривал.
🤯 This save from Andriy Lunin ❤️👏 #BARRMA https://t.co/6M9CAEVgmF
— The Final Whistle (@Rufus_45) October 25, 2026
Мурињо по натпреварот посебно ја истакна подготвеноста на Лунин да ја искористи укажаната шанса. Португалскиот стратег откри и што му порачал на голманот пред почетокот на дуелот.
„Единственото нешто што му го кажав на Лунин пред натпреварот беше: ‘Тренираш за да играш, а не за да седиш на клупата. Излези на теренот и играј’. Никој од нас не плачеше пред натпреварот затоа што Тибо не можеше да игра“, изјави Мурињо.
🔴 𝗝𝗢𝗦𝗘 𝗠𝗢𝗨𝗥𝗜𝗡𝗛𝗢 𝗔 𝗧𝗥𝗔𝗩𝗘𝗥𝗦𝗘 𝗟𝗔 𝗣𝗘𝗟𝗢𝗨𝗦𝗘 𝗗𝗨 𝗖𝗔𝗠𝗣 𝗡𝗢𝗨 𝗣𝗢𝗨𝗥 SERRER DANS SES BRAS 𝗔𝗡𝗗𝗥𝗜𝗬 𝗟𝗨𝗡𝗜𝗡 𝗔𝗣𝗥𝗘𝗦 𝗟𝗔 𝗩𝗜𝗖𝗧𝗢𝗜𝗥𝗘 𝗗𝗨 𝗥𝗘𝗔𝗟 𝗠𝗔𝗗𝗥𝗜𝗗 ! 🤍🥹 https://t.co/j6ii9thfLO
— Vibes Foot (@VibesFoot) October 26, 2026