Маркус Рашфорд и официјално се прости од Барселона, откако му истече едногодишната позајмица и нема да го носи дресот на каталонскиот гигант во новата сезона.
Англискиот напаѓач пристигна од Манчестер Јунајтед минатото лето, а по една сезона помината на „Камп Ноу“ испрати емотивна порака до клубот и навивачите.
„Неизмерно сум благодарен на сите во клубот што го направија мојот престој во Барселона толку позитивно и незаборавно искуство. Го ценев секој момент поминат тука и сигурно засекогаш ќе ги носам тие спомени со себе. Им благодарам на сите во клубот, како и на навивачите, и им посакувам многу среќа и успеси во новата сезона“, порача Рашфорд.
Во текот на сезоната англискиот репрезентативец одигра 49 натпревари за Барселона, на кои постигна 14 голови и запиша неколку значајни настапи во освојувањето на домашните трофеи.