Долго траеше сагата со Александар Исак кој на крајот се пресели во Ливерпул, а клубот од „Сент Џејмс Парк“ инкасираше 144 милиони евра, сума што е британски рекорд.
Но, денеска тема на Островот е начинот на кој Њукасл се прости од својот најдобар фудбалер. Клубот во краткото соопштение не се заблагодари на Швеѓанецот и дури не напиша колку погодоци постигна Исак во нивниот дрес.
„Њукасл објавува дека Александар Исак е продаден во Ливерпул во рекорден британски транфер. Шведскиот репрезентативец се придружи на тимот од Реал Сосиедад во 2022 година и запиша 109 астапи во сите натпреварувања“, гласи соопшението.
Во споменатите 109 настапи, Исак за Њукасл постигна 62 гола. Исто така тој беше херој за тимот и со својот гол во финалето од Карабао купот помогна Њукасл да освои трофеј по 56 години чекање.
Сепак, на крајот поради инсистирањето да замине влезе во конфликт и не доби ниту едно „благодарам“.
Newcastle United can announce the sale of striker Alexander Isak to Liverpool for a significant British record transfer fee.
— Newcastle United (@NUFC) September 1, 2025