Ван Гал во 2016 доби отказ од „Ѓаволите“ откако резултатите не беа на потребното ниво, а ниту пак играта на Манчестер јунајтед не беше по мерак на фановите.
На негово место бееш назначен Жозе Мурињо, кој во првата сезона освои неколку трофеи и го врати клубот во Лигата на шампионите.
Тој оваа сезона создаде уште помоќен тим за атак на титулата во Премиерлигата, но се чини дека уште сега може да се прости со насловот шампион на Англија откако изминатиов викенд на домашен терен беше поразен од Манчестер Сити и „Граѓаните“ креираа 11 бода предност на врвот на табелата.
Па Луј ван Гал реши да „удри“ силно по неговиот учиник и да ликува на неуспехот на „Специјалниот“.
„Под мое водство, Манчестер јунајтед играше прилично добро, но тоа не беше фудбал кој се цени во Англија“ – вели Холанѓанецот.
„Но и покрај тоа, во моментов, кога го гледам Јунајтед, морам да заклучам дека Мурињо не е критикуван и покрај тоа што игра поздодевен фудбал“.
„Претпочитам да го гледам Сити а не Јунајтед. Во моментов Јунајтед игра дефанзивен фудбал. Јас секогаш играв офанзивен фудбал. Доказ за ова е тоа што противниците секогаш го паркираа автобусот“.
„Тие не го прават тоа сега бидејќи Жозе Мурињо игра дефанзивно“.