Селекторот на Швајцарија, Мурат Јакин, би можел да биде принуден на промени во составот за осминафиналниот натпревар против Колумбија, бидејќи репрезентацијата се соочува со можно отсуство на дури пет стандардни првотимци.
Познато е дека Јакин речиси пред секој натпревар знае да изненади со изборот на почетниот состав, а непредвидливите промени во тимот со текот на времето станаа негов заштитен знак.
Сепак, овојпат швајцарскиот стратег нема да се потпира само на тактички изненадувања, туку ќе мора да импровизира поради бројните проблеми со составот.
Во најлошо сценарио, Јакин нема да може да смета на Мишел Ебишер, Лука Жаке, Џибрил Соу, Рубен Варгас и Јохан Манзамби. Станува збор за фудбалери кои веќе беа стартери на ова Светско првенство и нивното евентуално отсуство би било голем удар, особено за офанзивниот дел од тимот.
Најголем проблем за Швајцарија е фактот што Манзамби и Варгас се меѓу најефикасните играчи на репрезентацијата на турнирот, со вкупно осум гола и асистенции.
Натпреварот помеѓу Колумбија и Швајцарија на програмата е вечерва од 22:00 часот.