Со одигрувањето на вчерашните натпревари од Светското клупско првенство комплетирани се четвртфиналните двојки, останаа уште осум екипи кои се борат за големиот пехар.
Поради елиминациите на Манчестер Сити и Интер, едната страна од костурот стана медиумски помалку атрактивна, но оние кои се таму заслужија да играат четвртфинале.
Флуминенсе ќе игра против Ал Хилал, а победникот во полуфиналето ќе го добие Челси или Палмеирас.
Другата страна е далеку поатрактивна, таму во четвртфиналните дуели играат ПСЖ против Баерн Минхен и Реал Мадрид против Борусија Дортмунд.
