Познати се четири парови во нокаут фазата на Мундијалот

По одигрувањето на натпреварите во шест од осумте групи на Светското првенство, веќе се познати првите четири двојки од нокаут фазата.

Нокаут рундата ќе започне на 28 јуни, кога во Инглвуд ќе се сретнат селекциите на Јужна Африка и Канада. Ден подоцна ќе се одиграат два натпревари. Бразил ќе се соочи со Јапонија, а Холандија ќе ги одмери силите со Мароко. Последниот засега потврден дуел е меѓу САД и Босна и Херцеговина, кој е закажан за 2 јули.

Досега место во осминафиналето обезбедија и Германија, Брегот на Слоновата Коска, Мексико, Аргентина, Австралија и Швајцарија, а нивните противници ќе бидат познати по завршувањето на преостанатите натпревари од групната фаза.

Познати парови за осминафиналето:

• Јужна Африка – Канада (28 јуни, 21:00)
• Бразил – Јапонија (29 јуни, 19:00)
• Холандија – Мароко (29 јуни, 03:00)
• САД – Босна и Херцеговина (2 јули, 02:00)