Чилеанецот во
јануари го замени Емирати со Олд Трафорд, Манчестер јунајтед успеа да го украде
Алексис Санчез од пред носот на лутиот ривал Манчестер Сити, па возбудата кај
фановите беше голема.
Сепак, фудбалерот има мал придонес, на осум натпревари за „Ѓаволите“ постигна
само еден погодок. Жозе Мурињо му побара неколку позиции во тимот, како лево крило, како десно крило и во средината но 29 годишниот Санчез никако да ја најде формата поради која важеше за еден од најопасните напаѓачи во Премиерлигата.
„Специјалниот“ сега признава дека Алексис во Јунајтед е само
бледа сенка на својата најдобра верзија и како оправдание за ова го понуди зимскиот
преоден рок и тоа што играчот пристигнал сред сезона.
„Тој учи како да
игра со нас а ние учиме како да го извадиме најдоброто од него” – вели Португалецот. „Дојде во
најлошиот момент од сезоната, во зимскиот преоден рок”.
„Затоа не го
сакам трансфер пазарот во јануари. Но ангажманот на Санчез беше шанса која не
смеевме да ја пропуштиме па го купивме. Сигурно следната сезона ќе биде
многу подобра за него”.
Но слабата форма
на Санчез не е единствениот проблем, некои стручни коментатори сметаат дека
присуството на Чилеанецот во тимот креира проблеми и на друго место, а тоа најмногу се забележува кај Пол
Погба, кој прикажува слаби партии.
„Не сметам дека
тоа е слабост или проблем, на ова гледам како на огромен потенцијал кој може да
се развие со тек на време“.