ЛШ: Вечерва ќе се дознаат последните патници во осминафиналето

Со вечерашните
натпревари кои ќе стартуваат во стандардниот термин од 20 часот и 45 минути ќе
се комплетира групната фаза во Лигата на шампионите.

Интересно ќе биде во
групата „Ф“ каде Шахтјор на домашен терен не смее да загуби од фантастичниот
Манчестер Сити кој веќе го има обезбедено првото место оваа конкуренција.

Пораз на украинскиот
клуб посакува Наполи кој пак гостува кај Феенорд кој има максимален учинок од
пет порази во оваа група.

Во меѓусебните дуели
Наполи има подобар скор во однос на Шахтјор, дома славеше со 3-0, на гости
загуби со 2-1.

Табела: Манчестер Сити 15, Шахтјор 9, Наполи 6, Феенорд 0.

Ливерпул има можност
пред своја публика да ги реши сите дилеми околу прогресот. Спартак Москва не е
екипа која смее да се потцени, па доколу Русите слават на „Енфилд“ во тој
случај ќе го минат Ливерпул откако во Москва и двете екипи ремизираа со
резултат 1-1. Шанса за првото место ќе чека и Севилја која пак гостува кај
аутсајдерот Марибор.

Табела: Ливерпул 9, Севилја 8, Спартак Москва 6, Марибор 2.

Неизвесно е и во групата
„Г“ околу вториот патник во осминафиналето. Бешикташ гостува кај Лајпциг, а
Порто на домашен терен го пречекува Монако. Порто и Лајпциг со изедначена трка
влегуваат во битката за второто место во оваа конкуренција.

Табела: Бешикташ 11, Порто 7, Лајпциг 7, Монако 2.

Нема никакви дилеми
околу осминафиналните патници од групата „Х“ каде Борусија Дортмунд има сезона
за заборав и вечерва ќе мора да очекува пораз на АПОЕЛ кај Тотенхем, за да го
потврдат третото место во оваа конкуренција кое носи пласман во Лига Европа.
Првото место е загарантирано за Тотенхем.

Табела: Тотенхем 13, Реал Мадрид 10, Борусија Дортмунд 2, АПОЕЛ
2.

Екипи кои досега
обезбедија место во осминафиналето: Манчестер јунајтед, Базел, ПСЖ, Баерн Минхен, Рома,
Челси, Барселона, Јувентус, Манчестер Сити, Бешикташ, Тотенхем и Реал Мадрид.

ПОЧЕТНИ СОСТАВИ ЗА
ВЕЧЕРАШНИТЕ НАТПРЕВАРИ:

Група „Е“

Ливерпул – Спартак Москва