Челси поведе уште во 23. минута кога по едно проигрување од Вилијан, Бакајоко постигна гол за водство од 1-0.
Пред крајот на првото полувреме и самиот Вилијан се запиша во листата на стрелците откако со глава реализираше по центаршут на Алонсо.
Прашањето околу победникот го реши Педро по пет минути игра во вториот дел, и за овој гол асистираше Вилијан.
Хадерсфилд во судиското продолжение од мечот успеа само да постигне почесен гол за конечни 3-1.
Супер интересно беше на мечот помеѓу Кристал Палас и Ватфорд кој домаќините го добија со 2-1.
Ватфорд имаше водство уште од третата минута со гол на Јанмат и го чуваше со до финишот од мечот.
Клеверли во 87. минута заработи втор жолт картон, а Сако во 89. и Мекартур во 92. минута реализира за комплетен пресврт и победа на Кристал Палас од 2-1.
Барнли со 1-0 славеше над Стоук со погодок на Барнс во 89. минута.