Чави со порака до Барса: Во редовите на ПСЖ имате идеално засилување

Чави ја советува
управата на Барселона да тргне по потписот на Марко Верати од ПСЖ.

Репрезентативецот
на „Аѕурите“ во последно време често се поврзува со „Каталонците“, а Чави
верува дека Италијанецот е идеално засилување.

„Верати ќе биде
идеално засилување” –
вели легендата на Барса во разговор со Ла Парисиен.

„Мислам дека
Верати малку наликува на мене. Секогаш се враќа длабоко на својата половина да
ја побара топката, ја изнесува, ги организира нападите и го диктира темпото”.

„Верати е мал
како мене и никогаш не ја губи топката, исто како мене. Неговата техника е извонредна”.

„Би сакал да го
видам во Барселона”.