Копенхаген само го налути Атлетико Мадрид во 15. минута кога преки Фишер дојде во водство со 1-0.
Во продолжението од мечот Нигез, Гамеиро, Гризман и Витоло реализираа за убедлив триумф на Атлетико Мадрид од 4-1, резултат за мирен реванш.
Наполи очигледно сака да се фокусира на Серија А, италијанскиот тим загуби на Сан Паоло со 3-1 од Лајпциг.
Наполитанците поведоа со деби голот на Онас во 52. минута, Вернер со два гола и Брума со еден ја донесоа победата за германскиот тим.
Партизан со гол на Тавамба во 58. минута имаше водство против Викторија Плзен од 1-0, но чешкиот тим израмни со гол по акција од офсајд во 81. минута преку Резник.
Потоа и Митровиќ доби втор жолт картон, па наместо победа мечот за Партизан заврши неповолно.
Лион со 3-1 славеше над Виљареал, Селтик со 1-0 го победи Зенит, Стеауа со истиот резултат триумфираше над Лацио, АЕК и Динамо Киев одиграа нерешено 1-1.