Легендарниот фудбалер и поранешен претседател на УЕФА, Мишел Платини не е задоволен од насоката во која оди модерниот фудбал.
За италијанските медиуми Пплатини истакна дека воведувањето на ВАР не донел некој напредок и ако тој се прашува би го укинал за судиите повторно да имаат поголема улога.
„Веднаш би го укинал ВАР. Можеби би се користел само за офсајд ситуација кога треба да се повлекуваат линии за да се види дали фудбалерот е во недозволена позиција. Се друго би препуштил судиите сами да одлучуваат. Арбитрите треба да бидат тие кои одлучуваат дали било прекршок или не“, изјави Платини за италијанските медиуми.
Италијанците искористија прлика и да го прашаат Платини за ситуацијата во Јувентус, а Французинот шокираше со изјавата.
„Не следам многу Серија А бидејќи во Франција нема телевизија која ги пренесува натпреварот. Искрено не знам да набројам тројца фудбалери на Јувентус, но се радувам кога ќе слушнам дека Јуве победил. Тоа е клуб во кој поминав многу убави моменти, но беше поодамна, пред повеќе од 40 години“, изјави Французинот.