91
Тотнем славеше со 4-1 во пресметката против Астон Вила, домаќините со фантастично второ полувреме ги однесоа трите бода.
„Спарси“ по поразот од Кристал Палас во минатото коло, врзаа две важни победи пред своите навивачи.
Прво славеа против Манчестер Сити во Лига купот, а попладнево триумфираа и над Астон Вила во Премиерлигата.
Гостите поведоа со голот на Роџерс во 32. минута, но Тотнем со фантастично второ полувреме ги однесе трите бода.
Џонсон изедначи на 1-1 во 49. минута, за Соланке да зголеми на 2-1 во 75. минута. Истиот играч реализираше за 3-1 веќе во 79. минута и тука беше јасно кој ќе слави.
Во завршницата, Медисон прекрасно погоди од слободен удар за конечни 4-1 и стави точка на натпреварот.