Необичен трансфер во третата лига, ФК Росоман се пофали со Роналдо

Македонскиот третолигаш Росоман се пофали со неколку нови имиња за продолжението од сезоната, а едно од нив привлече посебно внимание.

Кристијано Роналдо е глобален феномен, па ниту Македонија е исклучок од ова.

Екипата на Росоман, која се натпреварува во Трета лига – југ, вчера промовираше неколку засилувања за продолжението од сезоната, а едно од нив е и Роналдо Фазлиов.

„Со особена чест и задоволство му посакуваме добредојде на  Роналдо Фазлиов, кој ни се приклучува од редовите на ФК Дреново“ – гласеше известувањето.

„Му посакуваме многу успешни настапи и многу голови во дресот на нашиот клуб!“

„Добредојде Роналдо!“