Свонси откако го победи Ливерпул во минатото коло, денеска славеше и над Арсенал за избегнување на дното на табелата во Премиерлигата.
Натпреварот почна одлично за Арсенал, во 33. минута по една добра асистенција од Озил, Монреал донесе водство од 1-0. Но веќе во следниот напад Свонси го изедначи резултатот на 1-1.
По 15 минути игра во второто полувреме катастрофален кикс на Петр Чех, искористи Ајев за водство на Свонси од 2-1. Во финишот на мечот Кулкас постигна уште еден гол за конечни 3-1.
За разлика од Арсенал, Ливерпул одигра одличен меч на гостински терен кај Хадерсфилд и победи со 3-0.
Црвените поведоа во 26. минута со гол на Емре Џан од далечина, пред крајот на првото полувреме Фирмино постигна лукав погодок, во 77. минута Салах од пенал ги постави конечните 3-0.
Денеска се одигра и мечот помеѓу Вест Хем и Кристал Палас кој заврши без победник 1-1.