Милан славеше на домашен
терен над Болоња со 2-1 во редовното коло од италијанската Серија А, а тоа беше
прва победа за Џенаро Гатузо на клупата на тимот од Милано.
Гатузо емотивно
реагираше во моментите кога резултатот од мечот во Милано гласеше 1-1, откако
забележал дека младиот голман Донарума недоволно брзо вратил една топка во
игра, беснеел по него.
Се чини дека нема никаков проблем во односите помеѓу Гатузо и Донарума, а спуштена е топката по сензационалната вест која ја пренесоа медиумите во Италија дека наводно тинејџерот преку неговиот агент побарал раскин на договорот.
„Не постои никаков
проблем со Донарума, секој ден разговарам со него, гледам дека е мирно и
добро момче кој не му се допаѓа кога екипата не победува. По мечот со Беневенто
беше премногу тажен“ изјави Гатузо.
Џиџо Донарума повторно е
актуелен изминатиов период во Италија, откако тамошните медиуми пренесоа
сензационална вест околу тоа дека наводно неговиот агент Мино Рајола побарал
да биде поништен договорот кој голманот го потпиша со Милан.
„Фасоне и Мирабели ќе
разговараат со нив доколку има било какви проблеми“ рече Гатузо.