Гвардиола вели дека тој и Мурињо се близнаци, само не кажа кој е Арнолд Шварценегер а кој Дени Де Вито

Двајцата стари
ривали овој викенд ќе имаат нова пресметка, на Олд Трафорд во недела, Манчестер
јунајтед го пречекува Манчестер Сити.

Пеп Гвардиола
попладнево на средбата со новинарите изненади со изјавата и истакна дека тој и
Жозе Мурињо се близнаци.

На прашањето дали
е опседнат по успех исто колку и неговиот колега, Шпанецот рече: „Дефинитивно,
мислам дека сме близнаци по ова прашање. Тој сака да освојува трофеи и јас сакам
да освојувам трофеи“.

Пеп само не кажа
кој е Арнолд Шварценгер а кој Дени Де Вито од култниот филм „Близнаци“ бидејќи
само во едно вакво сценарио тој и Жозе би можеле да бидат близнаци.

Нивната фудбалска
филозофија е сосема различна, исто како и начинот на кој двајцата ги
остваруваат зацртаните цели.