Во рамките на групата „А“,
ЦСКА Москва по втор пат ја совлада Бенфика, по гостинскиот триумф од 1-2, овој
пат славеше со 2-0 пред своја публика.
Шеников во 13. минута го
постигна водечкиот гол за победничкиот табор , а Жардел ја потврди победата за
домаќините во 56. минута со автогол.
Со оваа победа ЦСКА
Москва со девет бода се искачи на второто место во групата, моментално има три
повеќе од Базел кој вечерва игра пред своја публика против Манчестер јунајтед
кој пак има 12 бода.
Бенфика на големо
изненадување на многумина нема ниту еден освоен бод. Во последното коло од оваа
конкуренција Манчестер јунајтед игра на домашен терен против ЦСКА Москва,
додека пак Базел гостува кај Бенфика.
Челси имаше лесна задача
на гостувањето кај аутсајдерот Карабах и славеше убедливо со 0-4. Два гола во
победата на англискиот првак постигна Вилијан, по еден реализираа Азар и
Фабрегас.
Челси со десет бода го
осигура местото во осминафиналето, но за првото место ќе се бори во последното
коло заедно со Рома која моментално заостанува само два бода.
Челси во шестото и
последно коло игра на домашен терен против Атлетико Мадрид (3), додека пак Рома
ја очекува навидум лесна задача пред своја публика против Карабах (2).