Реал Мадрид убедлив против Лас Палмас (ВИДЕО)

Реал Мадрид не дозволи изненадување против Лас Палмас, забележа лесна победа и ги освои очекуваните три бода.

Гостите одолевеаа до 41. минута кога по еден корнер топката дојде до Касемиро кој погоди со глава за водство на Реал Мадрид од 1-0.

По десет минути игра во вториот дел една одбиена топка дојде до Асенсио кој со прекрасен шут од далечина погоди за сигурно водство од 2-0.

Конечните 3-0 беа поставени на 15 минути пред крајот, Роналдо асистираше до Иско на кого не му беше тешко да постигне гол.

По овој триумф, Реал Мадрид се врати на осум бода негатива во однос на Барселона.