109
„Нероаѕурите“ имаа перфектен скор на домашен терен, но серијата денеска е прекината, Торино се избори за реми на Џузепе Меаца.
По едно изедначено прво полувреме, гостите дојдоа во водство во 59. минута. Фалке по еден соло пробив прецизно биеше од врвот на шеснаесетникот за 0-1.
Оби потоа имаше шанса да ги замолкне домаќините по втор пат, но од само два метри со глава биеше крај голот.
Казната за ова стигна во 79. минута. Икарди одлично спушти за Едер кој рутински од пет метри ја затресе мрежата на Торино.
Интер потоа имаше шанса и за победа, но ударот од далечина на Весино заврши во пречката.