Манчестер јунајтед се
помачи, но стигна до минимална победа од 1-0 над Тотенхем минатиот викенд во
Премиерлигата, а Жозе Мурињо даде интересен коментар по победата на тимот од
Лондон синоќа од 3-1 против бранителот на европскиот трофеј Реал Мадрид во
Лигата на шампионите.
„Тотенхем го победи
Ливерпул со 4-1, Реал Мадрид со 3-1, но не постигна гол против нас. Моите
фудбалери заслужуваат малку кредит“ изјави Мурињо а неговиот коментар на големо
задоволство беше прифатен од фановите на Манчестер јунајтед.
Познато е дека
португалскиот стратег во последниов период е во мини-војна со навивачите на
англискиот Премиерлигаш, па откако побара објаснување од нив за нивната
недоволна поддршка за Лукаку, по долгиот пост на Белгиецот кој се уште трае, пред
завчерашната пресметка со Бенфика им порача дека се надева ќе уживаат повеќе во
тој меч отколку што тоа го правеа против Тотенхем.
Манчестер јунајтед со победата
од 2-0 над Бенфика на „Олд Трафорд“ стигна до максимални 12 бода во групата „А“
каде како ривали ги има Базел, ЦСКА Москва и Бенфика, и со тоа уште во оваа
фаза избори прогрес во следната рунда од Лигата на шампионите.