Дербито на вечерта се
игра во Лондон на „Вембли“ арената, каде Тотенхем на домашен терен го пречекува
Реал Мадрид во групата „Х“, каде засега и двете екипи со по седум бода се на
делба на првото место, а Борусија Дортмунд и АПОЕЛ имаат по еден освоен бод.
Маурисио Покетино се
одлучи за формациска поставеност од 3-5-2, со тоа што големо внимание ќе обрне
во средината на теренот а осамени во нападот се најдоа Деле Али и Хари Кејн, на
спротивната страна пак, Зинедин Зидан ќе игра со тројца во шпицот на нападот, и
тоа Роналдо, Бензема и Иско.
Повторно шанса од
францускиот стратег добива мароканскиот тинејџер Ашраф Хакими, 18 годишнот
фудбалер кој и на претходниот меч против Тотенхем кој заврши со реми од 1-1 доби
прилика за докажување во одбраната на бранителот на титулата во Европа.
Тотенхем: Лорис, Трипие, Алдервирелд, Вертонген, Санчез, Кејн,
Даер, Али, Ериксен, Винкс и Дејвис.
Реал Мадрид: Касилја, Рамос, Начо, Роналдо, Крос, Бензема, Модриќ,
Марсело, Касемиро, Хакими и Иско.
Кај домаќините повреден
е Ванјама, додека пак кај гостите поради истата причина вон комбинација за
настап се Навас, Бејл, Ковачиќ, Карвахал и Варан, ниту на едната, ниту пак на
другата страна нема суспендирани за вечерашниот меч на Вембли.
Интересен меч се очекува
и на „Сан Паоло“ каде Наполи во рамките на групата „Ф“ го пречекува Манчестер
Сити, откако во претходното коло англискиот премиерлигаш едвај извлече победа
од 2-1 пред своја публика.
Во шпицот на нападот кај
домаќините се наоѓа Мертенс, од крилните страни како полушпицови ќе му помагаат
Инсиње, односно Калјехон. Кај гостите најголема опасност кон голот на
Италијанците ќе биде Агуеро.
Наполи: Реина, Алан, Калјехон, Жоргињо, Мертенс, Хамшик, Хисај,
Инсиње, Кулибали, Гулам и Албиол.
Манчестер Сити: Едерсон, Данило, Стоунс, Стерлинг, Гандоган, Агуеро, Де
Брујн, Делф, Сане, Фернандињо и Отаменди.
Во оваа конкуренција
Манчестер Сити со максимални девет бода е прв на табелата, со три повеќе од
Шахтјор, односно шест бода повеќе во однос на вечерашниот ривал. Феенорд во
оваа група е без бодови се уште.
Кај Наполи повреден е
Милик, додека пак кај гостите Компани и Менди, нема суспендирани во обата
табора.
ПОЧЕТНИТЕ СОСТАВИ ЗА
ВЕЧЕРАШНИТЕ НАТПРЕВАРИ
Група „Е“
Ливерпул – Марибор
Севилја – Спартак Москва
Група „Ф“
Наполи – Манчестер Сити
Шахтјор – Феенорд
Група „Г“
Бешикташ – Монако 1:1 (играа од 18,00, извештај од мечот – ТУКА)
Порто – Лајпциг
Група „Х“
Тотенхем – Реал Мадрид
Борусија Дортмунд –
АПОЕЛ
Извор: uefa.com