83
Барселона вчера
ја демолираше Џирона со 6-1. Луис Суарез забележа хет-трик, Лео Меси два пати
се запиша во листата на стрелците и собори неколку рекорди а Филипе Кутињо
постигна прекрасен гол за својот првенец во Ла Лига.
Но мисијата не
беше успешно завршена, барем не за Луис Суарез. На Уругваецот му прети
суспензија поради картони, па во финишот на мечот тој се обиде да влезе во
бележникот на судијата за да го пропушти дуелот со Лас Палмас но да биде
сигурен за дербито со Атлетико Мадрид.
Во последната
минута од мечот, напаѓачот стори сè за да изнуди картон. Задржуваше време при
изведување на аут, туркаше и влечеше но судијата Алберола Рохас не го есапеше. Па Луис Суарез со кисела насмевка на лицето го дочека последниот свиреж.