„Волците“ го одбраа новиот тренер во Чемпионшип

Вулверхемптон добива нов тренер за новата сезона во Чемпионшип, откако клубот постигна договор со португалскиот стратег Цезар Пејшото.

Според последните информации, двете страни веќе имаат усмен договор за двегодишна соработка, а Пејшото ќе го наследи Роб Едвардс на клупата на англискиот клуб.

Португалецот пристигнува во Вулверхемптон по одличните резултати со Жил Висенте, каде што остави силен впечаток и се наметна како еден од најталентираните млади тренери во Европа.

Пред новиот стратег ќе биде задача да го врати клубот на победничките патеки, а во соблекувалната ќе работи со искусни имиња како Киран Трипиер и Раул Хименез. Официјалната потврда од клубот се очекува во наредниот период.