Винисиус има една голема желба за тоа со кого би сакал да игра во Реал Мадрид

Бразилската
сензација од редовите на Фламенго, Винисиус Жуниор кој стави потпис на договор
со шпанскиот и европски гигант Реал Мадрид има една голема желба, а тоа е во
тимот на Кралскиот клуб да игра заедно со Нејмар.

„Доколку дозволи
бог, Нејмар и јас ќе играме заедно во Реал Мадрид, тоа ќе биде остварување на
мојот сон, да играм заедно со него во иста екипа. Тој е мојот идол во фудбалот,
доколку имам било каква шанса да играм заедно со него, би бил пресреќен“ рече
Винисиус.

Винисиус има само
17 години и е голема ѕвезда во најава во светскиот фудбал,  Реал Мадрид за неговиот потпис издвои 45
милиони евра, а во своите редови ќе го добие кога тој ќе наполни 18 години.