Арсен Венгер и официјално потврди дека ќе го напушти Арсенал по крајот на оваа сезона.
“По внимателно разгледување и дискусија со клубот, почувствував дека е вистински момент за мене да се повлечам од Арсенал по крајот на оваа сезона“, изјави Арсен Венгер.
„Благодарен сум што имав привилегија да му служам на клубот толку многу незаборавни години“.
„Го менаџирав клубот со полна посветеност и интегритет. Сакам да му се заблагодарам на мојот персонал, фудбалерите, директорите и фановите кои го прават овој клуб толку посебен“.
„Ги повикувам фановите да го бодрат тимот до крајот на сезоната. До сите сите вљубеници во Арсенал, внимавајте на вредностите на клубот. Мојата љубов и поддршка е засекогаш“.
Арсен Венгер три пати ја освои Премиерлигата со Арсенал и седум пати го крена трофејот од ФА Купот.