Ливерпул е пред
голем предизвик, во четвртфиналето од Лигата на шампионите за противник го доби
неверојатниот Манчестер Сити кој гази се’ пред себе во Премиерлигата, но и елитното европско клупско натпреварување.
Првата пресметка
помеѓу овие две екипи се игра утре вечер, а во пресрет на истата, Вирџил Ван
Дајк, упати комплименти за квалитетите кои како офанзивец ги поседува Мохамед
Салах, подвлекувајќи дека може да ја победи секоја дефанзивна линија.
„Тој е фудбалер
со кого, доколку би го имал како противник на теренот, морате да бидете
постојано на максимално ниво, а во таа зона во која тој игра може да победи
било која дефанзивна линија“ додаде Ван Дајк.
„Постојат начини
да се сопре, но тоа нема да го откријам, бидејќи ако го сторам тоа, нашите
ривали ќе почнат да размислуваат на таа тема“ смета тој.