Валверде не остава ништо на случајот: Мораме да бидеме претпазливи, ако има шанса, Рома ќе ја искористи

Барселона со една
нога е во полуфиналето од Лигата на шампионите по онаа победа од 4-1 против
Рома пред своја публика.

Многумина не
веруваат дека вечерва ќе се случи чудо на Олимпико во Рим, но, Ернесто Валверде
повика на претпазлива игра од страна на неговите избраници.

„Долго сум дел од
оваа професија, доволно за да знам дека чудни работи можат да се случат на
секој натпревар“ рече Валверде.

„Историјата вели
дека, на нивото на кое ние играме, тешко е да постигнете гол против екипа како
нашата, но, не смееме ниту да помислиме дека Рома нема шанса, или пак ако
постои, нема да ја искористи“ додаде тој истакнувајќи дека една грешка или
губење на самодоверба, барем за момент од мечот може да промени многу работи.