Веќе подолг
период е актуелна темата околу евентуален трансфер на Антоан Гризман во
Барселона, за тоа проговори и неговиот сонародник Самуел Умтити, кој истакна
дека разговарал со фудбалерот на Атлетико Мадрид за таа опција, притоа додаде и
кои биле неговите зборови.
„Гризман во
Барселона? Дали сум јас агент сега? (се смее). Да, разговаравме на таа тема. Го
прашав кое е неговото мислење за Барселона и се’ останато околу клубот. Како и секој друг фудбалер,
тој кажа само добри работи. Сите фудбалери од калибарот на Антоан сонуваат да
играат во овој клуб. Доколку тој дојде, ќе играме со шест напаѓачи!“ истакна
Умтити.
Умтити пак,
одреден период се поврзува со трансфер во Манчестер јунајтед, говорејќи на оваа
тема, тој издвои дека преговорите со Барселона околу потпис на нов договор се
уште не се започнати, знае дека откупната клаузула во неговиот актуелен договор
е мала, но тоа не било негова грижа, а освен Манчестер јунајтед, тој вели дека
имало и други клубови во редот за него, но додаде дека е среќен во Барселона.