Палермо одигра
само 2-2 на гостувањето кај Ливорно, а тоа секако не е позитивен резултат за
Сицилијанците во нивната битка за влез во елитното друштво на Италија, сепак,
гостинскиот табор можеше и да загуби, но, за да не дојде до тоа се погрижи
Александар Трајковски.
Најпрво Несторовски
од пенал во 41. минута погоди за почетно водство за Палермо, но, домаќинот во
второто полувреме направи пресврт, а Трајковски на една минута пред истекот на
регуларните 90 минути игра се погрижи неговиот тим да освои барем бод од ова
тешко гостување.
Несторовски беше
повлечен од игра во 71. минута при водство на Палермо, а Трајковски во игра на
пресметката влезе во 83. минута, само шест минути подоцна погоди за својата
екипа.
За Трајковски ова
беше седми погодок сезонава во Серија Б, за капитенот на Сицилијанците пак,
Несторовски, тој го забележа 14 гол.
Палермо со 58
бода заостанува два бода зад второпласираниот Лече на позицијата која носи
директен пласман во Серија А, зад лидерот Бреша заостанува пет бода.