Струга остана без тренер по поразот од Вардар

Тренерот Ќатип Османи си поднесе оставка од тренерската позиција на Струга по денешниот пораз од Вардар.

Струга денеска на домашен терен загуби од Вардар со 2-0, со овој пораз актуелниот шампион се збогува со шансите за одбрана на титулата.

По ваквиот расплет следуваше и разделба на Струга со тренерот Ќатип Османи.

„Струга изразува благодарност до Османи за неговата професионалност во времето поминато заедно и му посакуваме среќа во понатамошната кариера“, стои во соопштението на Струга.

Османи ја предводеше Струга на 26 натпревари во кои оствари 12 победи, 5 нерешени натпревари и девет порази.