Португалскиот стратег од
клупата на Манчестер јунајтед, Жозе Мурињо истакна дека неговиот клуб трпи
незаслужени критики од медиумите, а наведе дека сепак неговите избраници имале
одлични натпревари.
„Ние имаме одлични
натпревари, имаме добри периоди од натпревари. Понекогаш медиумите се помалку
нефер кон сите нас, кон мене лично, кон фудбалерите. Ние сме подобри од тоа што
вие го пишувате за нас. Против Челси, имавме одлично второ полувреме. Но, квалитет
е кога знаеш како да играш против екипи кои на одредени моменти се подобри од
тебе“ рече Мурињо.
Манчестер јунајтед падна
на третото место на табелата во Премиерлигата, со бод заостанување зад Ливерпул, односно бод
преднос во однос на Тотенхем. Вечерва, тимот на Мурињо гостува кај Кристал Палас.