Спалети: Ги сакам Рамос, Иниеста и Санчез во Интер

Речиси никој не очекуваше Интер во овој период од годината да биде лидер во Серија А без ниту еден пораз, но нероазурите играат фантастична сезона.

Дека расположението е на високо ниво покажа и Спалети со неговата интересна прес конференција.

„Мора да бидеме внимателни на трансфер пазарот. Треба да бидеме тивки се додека претседателот не ги каже своите намери околу тоа како да се однесуваме во преодниот рок“, вели Спалети.

„А ако ме прашувате кои играчи јас ги сакам, ќе ви кажам, Серхио Рамос, Андрес Иниеста и Алексис Санчез“.