Манчестер Сити стави крај на црната серија и тоа на гостински терен кај Тотенхем.
Натпреварот почна одлично за Сити, уште во 22. минута со гол на Габриел Жесус поведоа со 1-0.
Три минути подоцна беше досуден пенал за Манчестер Сити иако фаулот од Лорис беше направен надвор од шеснаесетникот. На Гундоган не му пречеше тоа за да ја реализира најстрогата казна и да го зголеми водството на 2-0.
Пред крајот на првото полувреме Ериксен намали на 2-1 и го врати Тотенхем во игра.
Домаќините во вториот дел тргнаа поодлучно кон голот на Манчестер Сити, но не успеваа посериозно да го загрозат Едерсон, а гостите беа опасни од контри. По неколку промашувања конечно Стерлинг погоди во 72. минута за конечни 3-1.
Во следното коло Манчестер Сити на домашен терен го пречекува Свонси и доколку победи на тој меч ќе стане нов шампион на Англија.