Кристијано Роналдо повторно приреди вистинско шоу во Саудиска Арабија и потсети зошто и на 40 години останува меѓу најголемите ѕвезди на светскиот фудбал.
Во дуелот меѓу Ал-Наср и Ал-Фатех, Португалецот уште еднаш ја покажа својата магија, постигнувајќи спектакуларен погодок во 60. минута. Од левиот агол на шеснаесетникот испрати вистински проектил кој заврши под пречката и предизвика вистинска еуфорија на трибините.
Ал-Наср доминираше во текот на целиот натпревар и славеше со убедливи 5-1. Покрај Роналдо, во листата на стрелците се впишаа и Коман, како и Жоао Феликс кој блесна со хет-трик.Тимот од Ријад со оваа победа го продолжи својот импресивен поход во шампионатот, а Роналдо уште еднаш потсети дека неговата класа нема рок на траење.
По натпреварот се случи интересна ситуација, а во центарот на вниманието пак беше Роналдо. Португалецот дојде пред трибината со најжестоките навивачи на Ал-Наср, а таму беше популарниот јутубер „iShowSpeed“ кој се обидуваше да го води навивањето. Сепак, тропањето на тапан не му одеше, па Роналдо од теренот се обиде да му даде ритам.
Cristiano Ronaldo teaching Speed how to do the post game celebration.
— TC (@totalcristiano) October 18, 2025
I’m crying 😭😭😭
pic.twitter.com/dsLt2rPAAK