Ристовски и соиграчите од Спортинг биле нападнати од хулиганите, има повредени

Нашиот репрезентативец поминал без повреди, но најдобриот стрелец Баст Дост завршил и со конци на главата, а повредени се уште неколку други фудбалери.

Нападот се случил за време на тренинг на Спортинг Лисабон, а причината е поразот на тимот на гостувањето кај Маритимо со кој го загубија второто место и нема да играат во Лигата на шампионите, таму ќе биде нивниот ривал Бенфика.

Информациите од Португалија велат дека поради страшните случувања фудбалерите размислуваат да не го одиграат финалето од Купот на Португалија.