„Кралевите“ утре
го пречекуваат Баерн Минхен во реваншот од полуфиналето во Лигата на
шампионите, избраниците на Зинедин Зидан бранат предност од 2-1 од првиот
натпревар и се на чекор до ново финале од најелитното европско натпреварување.
Барселона вчера
ја потврди титулата во Примера, откако претходно го освои и Копа дел Реј, па
Серхио Рамос беше запрашан колку е важен триумфот во ЛШ.
„Барса има
одлична сезона во која освои два трофеи, не е лесно да се освои Купот, а уште
потешко е да се триумфира во првенството. Но да се освои Лигата на шампионите е
нешто посебно и сигурно е еднакво на двојна титула, а можеби вреди и повеќе. Доколку
ја освоиме Лигата на шампионите, двата клуба ќе имаат одлични сезони” – истакна капитенот на Реал Мадрид.