Арсенал доживеа уште
еден разочарувачки резултат во Премиерлигата, откако загуби на гостувањето кај
Брајтон изминатиот викенд со 2-1, пласманот во топ четири е се подалеку, а
медиумите на Островот шпекулираат дека атмосферата во соблекувалната на тимот од
Лондон не е баш за пофалба.
Бекот на Точиите, Ектор
Бељерин се најде на неколку вести низ Англија каде се споменува неговиот
нарушен однос со Арсен Венгер, за кого се тврди дека го планирал Шпанецот во
почетниот состав, но го отфрлил од истиот на два часа пред стартот на средбата.
Бељерин мечот го почна
од клупата за резервни фудбалери, а во игра на теренот влезе во 83. минута на
местото на Мхитарјан.
На ова бурно реагирал
шпанскиот бек чие место го зазеде Чемберс на средбата со Брајтон, по што
неговиот однос со Венгер се шпекулира дека е нарушен, а токму францускиот
стратег беше една од причините поради кои тој потпиша нов договор со клубот, и
покрај огромниот интерес од Барселона за која се шпекулира дека под будно око
ја следи целата оваа ситуација.