Баерн прв поведе
на гостувањето кај Реал со 0-1 со голот на Кимих, а на германскиот тим му беа
потребни неполни три минути.
Сепак, Реал со
голот на Бензема само осум минути подоцна донесе израмнување од 1-1, па во
продолжение од средбата во Мадрид ќе следиме интересна битка за пласман во
големото финале од Лигата на шампионите.
Како за
потсетување, во првата пресметка европскиот првак славеше на гостувањето во
Минхен со 1-2, но, според играта која ја прикажаа фудбалерите на германскиот
тим, очигледно е дека Реал ќе треба добро да се помачи доколку сака да влезе во
финалната битка за одбрана на трофејот во Лигата на шампионите.
Статистиката од
првите 45 минути игра е на страната на гостите, тие упатија вкупно 10 удари кон
голот на домаќините, кои пак имаат двојно помалку обиди.
Реал Мадрид: Навас, Рамос, Варан, Роналдо, Крос, Бензема, Модриќ, Марсело, Васкез, Асенсио и Ковачиќ.
Баерн Минхен: Улрих, Суле, Хумелс, Алкантара, Рибери, Левандовски, Родригез, Толисо, Милер, Алаба, Кимих.