Покетино: Бевме, многу, многу, многу подобри од Ливерпул, двата пенали беа чисти!

За разлика од таборот на Ливерпул, Покетино вели дека двата пенали биле чисти. Тотенхем бил далеку подобар тим на теренот, и чувствува дека загубиле два бода.

„Ова беше неверојатен натпревар за гледање. Бев смирен, бидејќи мислам дека игравме многу добро. Чувството е дека загубивме два бода. Бевме многу, многу, многу подобри од Ливерпул“, смета Покетино.

„Мислам дека бевме многу подобри во 90. минути и заслуживме да победиме, но тоа е фудбалот. Најважна работа е дека покажавме неверојатен карактер“.

„Ние сме професионалци. По наша грешка го примивме првиот гол. Но мислам дека ако се анализира мечот ќе се види дека Тотенхем беше многу подобар тим“.

„Двата беа чисти пенали и немам ништо друго да кажам. Немаше ништо контроверзно“.