Пол Погба е доста
актуелен, најмногу поради често шпекулираниот однос со неговиот тренер од
Манчестер јунајтед, Жозе Мурињо.
Факт е дека
францускиот фудбалер имаше повреда која за момент можеби и делуваше врз
неговата форма, за што претходно говореше Мурињо, но и факт е дека никогаш во
неговата кариера не седел на клупа толку многу како во последниов период, иако
викендов ги одигра сите 90 минути од победата против Свонси.
„Немам никакви
проблеми со Мурињо, не е моја работа да го избирам тимот кој ќе настапи на
натпреварите, прашајте го него за тоа зошто играм малку, ги почитувам одлуките,
точно е дека ова никогаш не ми се случило да бидам толку многу на клупата за
резервни фудбалери, но тоа може да ме направи посилен“ истакна Погба.
Запрашан за тоа
дали размислува за заминување од Манчестер јунајтед, Погба додаде „Рано е да
зборувам на таа тема, ситуацијата може да се промени“.