Дуелот помеѓу Манчестер јунајтед и Манчестер Сити може да биде клучен за титулата, ако победи тимот на Гвардиола ќе направи предност од 11 бода разлика која би изгледала недостижно. Ако Јунајтед слави ќе дојде на -5 и ќе ја направи интересна трката за титулата.
Пол Погба поради црвениот картон добиен на мечот со Арсенал нема да игра, но се надева дека Манчестер јунајтед ќе дојде до победата.
„Да не верувам дека можеме да ги стигнеме, би престанал да играм. Нив победата им е многу потребна бидејќи знаат дека ги стигнуваме. За жал нема да бидам дел од спектаклот, но ќе се обидам да му помогнам на тимот на психолошко ниво“, изјави Погба.
„Натпреварите помеѓу Манчестер Сити и Манчестер јунајтед отсекогаш биле дерби. Ќе има добра атмосфера на стадионот, станува збор за натпревар на големи клубови. Целосно верувам во своите соиграчи“.
„Мораме да ги нападнеме. За да победиме на овој натпревар мора да дадеме се од себе и во нападот и во одбраната. Тие со право се први на табелата, играат одлично, победуваат во континуитет и очигледно ментално се многу силни“.
Големото дерби на Манчестер на програмата е во недела со почеток од 17:30 часот.