Големото финале на Светското првенство меѓу Шпанија и Аргентина, кое е закажано за вечерва од 21:00 часот во Њујорк, би можело да започне со задоцнување поради лошите временски услови што го погодија регионот.
Во изминатите часови силно невреме проследено со обилни врнежи предизвика сериозни поплави и сообраќаен хаос, па сè почесто се шпекулира дека организаторите би можеле да го одложат почетокот на натпреварот доколку временската состојба не се стабилизира.
Подрачјето на Њујорк веќе неколку дена е зафатено од силни бури и невообичаено висока влажност на воздухот за овој период од годината. Во одредени делови од градот за само еден час наврнале меѓу 50 и 75 милиметри дожд на квадратен метар.
Големото количество врнежи за кратко време предизвика поплавување на повеќе главни сообраќајници, додека вода навлезе и во дел од метро-станиците. Поради тоа, пристигнувањето на навивачите до стадионот е значително отежнато, а неизвесноста околу навременото одигрување на финалето сè уште останува.
#BREAKING: Torrential Rain Triggers Flash Flood Emergency Across New York City
— upuknews (@upuknews1) July 19, 2026
After days of scorching heat and smoky skies caused by wildfires, New York City was hit by torrential rain on Saturday, triggering widespread flash flooding. The intense downpour inundated roads,… pic.twitter.com/qPhU57MVFw