Пирова победа на надежите над Луксембург, Хрватска во 90. минута ни ја расипа математиката

Во денешното последно коло на Македонија У19 и беше потребна победа против Луксембург, но и пораз на Хрватска во мечот со Чешка, и тоа за малку ќе се случеше.

Нашата репрезентација со голови на Талески во 19. минута и Фазлагиќ на десет минути пред крајот, го победи Луксембург со 2-0.

Чешка водеше против Хрватска со 2-1 се до 90. минута кога Хрватите изедначија на 2-2 и го освоија второто место на табелата пред Македонија.

На турнирот кој се играше во Чешка, домаќинот со седум бода го освои првото место, Хрватска со пет е втора, Македонија со четири бода заврши на третото место, а Луксембург не успеа да освои бод.