Илија Несторовски и Палермо си заминаа со цел плен од гостувањето кај фенерџијата Карпи. „Сицилијанците“ славеа со 0-3 а победата ја запечати токму Македонецот.
Палермо рано стигна до водство, Фалети уште во 6. минута донесе предност од 0-1. Кон финишот на првиот дел работата им беше олеснета откако Пеци заработи втор жолт картон и исклучување. По еден час игра гостите зголемија на 0-2. Јајало прв стигна до една одбиена топка и реализираше за 0-2.
Палермо исто така остана со играч помалку откако Рисполи доби директен црвен картон во 66. минута, но сите дилеми околу победникот беа решени во 75. минута кога Несторовски доби топка на втората статива и рутински jа затресе мрежата за 0-3.
За Македонецот ова беше погодокот број 5 оваа сезона во Серија Б.