Второ реми со идентичен
резултат од 2-2 во низа за Манчестер јунајтед, ако во претходниот меч со Лестер
испуштија победа во самата завршница, денес, тимот на Мурињо во завршницата се
спасуваше од пораз против Барнли.
Жозе Мурињо по мечот истакна
дека нема на што да им се налути на своите фудбалери, тој изјави дека е
задоволен од борбата која ја прикажале неговите избраници.
„Требаше да победиме, но
задоволен сум од начинот на кој моите фудбалери играа на тереенот, како
реагираа на негативата од два гола. Тие се бореа и немам на што да им се
налутам, едноставно го ценам нивниот карактер“ истакна португалскиот стратег по
мечот.
Црвените ѓаволи по
влегувањето на Лингард и Мхитарјан во второто полувреме делуваа како нов тим,
откако во првите 45 минути игра имаа негатива од 0-2, а двата гола ги постигна
токму Лингард.
„Тие беа феноменални во
второто полувреме, играчите го прифатија ризикот да се игра само со еден
класичен дефанзивец (Џонс), на крајот, бодот е најмалку што заслуживме“ додаде
Мурињо.