Манчестер јунајтед
славеше со 2-3 на гостувањето кај Кристал Палас синоќа во последниот меч од 29
коло во англиската Премиерлига, но тимот на Жозе Мурињо имаше негатива од 2-0,
а токму вториот гол, според португалскиот стратег бил моментот кој променил
многу работи на мечот.
„Тој срамен, детски втор
гол што го примивме промени многу работи на средбата. Но, фудбалерите ги
задржаа своите амбиции и тргнаа кон чудесен пресврт“ рече Мурињо по мечот.
„Да се вратиш од
негатива 2-0 на гостински терен против екипа која е очајна за бодови, ти дава
одлично чувство. Понекогаш победникот е тој кој ги заслужува сите честитки, но
мислам дека Рој Хоџсон направи се што треба, а е во негова моќ“ додаде
португалскиот стратег со што упати и пофалби до својот колега од спротивниот
табор.